HealthJobsUK

Trosolwg o'r swydd

Mae hon yn swydd cyfnod penodol/secondiad tan 31/03/2026.

Os ydych chi'n gyflogai i Fwrdd Iechyd Prifysgol Hywel Dda ac yn gwneud cais am y swydd hon fel secondiad, mae angen cytundeb ar gyfer yr secondiad gan eich rheolwr presennol cyn gwneud cais.

Yn chwilio am gyfle cyffrous i fod yn rhan o weledigaeth uchelgeisiol ar gyfer gwasanaethau fferyllol ledled Gorllewin Cymru? 

Mae hon yn adeg gyffrous i ymuno â'n tîm wrth i’r proffesiwn fferylliaeth ddatblygu rhagor ar ei set sgiliau sy’n canolbwyntio ar y claf tuag at gofrestru presgripsiynwyr fferyllol o’r diwrnod cyntaf ar ôl iddynt gymhwyso, ac wrth i’r proffesiwn weithredu i ymgorffori presgripsiynu yn rhan reolaidd o ymyriadau clinigol ledled pob un o'r sectorau sy'n delio â chleifion. 

A ydych yn glinigydd cymwys sy’n gallu defnyddio eich set sgiliau clinigol presennol i fentora a datblygu staff fferyllol i fod yn ddarparwyr gofal sylfaenol rheng flaen yn y dyfodol? Os gallwch weithio mewn diwylliant sefydliadol sy’n barod i godi llais a herio arferion presennol, a bod gennych uchelgais o ran moderneiddio’r modd y mae gwasanaethau fferyllol yn cael eu darparu i wella’r ffordd y mae cleifion yn cael mynediad at eu gofal, yna mae gennym y cyfle delfrydol i chi ymuno â'n uwch-dîm. 

Prif ddyletswyddau'r swydd

Darparu arweinyddiaeth a mentoriaeth glinigol yn ystod y broses o ddatblygu gwasanaethau fferyllol gofal sylfaenol y Bwrdd Iechyd trwy gefnogi, gwella a hybu'r gwaith o gyflawni'r holl rolau fferyllol mewn practisau. 

Bod yn atebol am ddatblygu a gwella gwasanaethau fferyllol gofal sylfaenol ar gyfer cleifion, gan arwain y gwaith o esblygu'r modd y darperir y gwasanaethau presennol, gan ganolbwyntio ar fodelau darparu darbodus sy’n seiliedig ar werth. 

Sicrhau’r canlyniadau gorau posibl i gleifion trwy ofalu bod meddyginiaeth yn cael ei rhagnodi yn unol â’r canllawiau presennol. 

Amlygu'r lefel uchaf o fewnbwn fferylliaeth glinigol o ran rheoli cleifion trwy eich ymarfer eich hun a'ch gwaith o fentora eraill i'r tîm amlddisgyblaethol gofal sylfaenol, gan ysgogi'r ymwybyddiaeth o gyfranogiad clinigol fferyllol sy'n canolbwyntio ar y claf a'i symud yn ei blaen. 

Casglu gwybodaeth am y gwaith y mae'r rôl hon yn ymgymryd ag ef; i ddangos yn lleol, ar lefel genedlaethol, ac i'w gyhoeddi, y modd y gall gwaith fferyllol darbodus yn y tîm gofal sylfaenol gyflawni canlyniadau buddiol i gleifion unigol yn ogystal â’r economi iechyd ehangach. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.