HealthJobsUK

Trosolwg o'r swydd

SYLWCH Y BYDDWN YN DERBYN CEISIADAU GAN STAFF SY'N CAEL EU CYFLOGI AR HYN O BRYD GAN Y BYRDDAU IECHYD CANLYNOL DIM OND:

• CWM TAF MORGANNWG

CYNIGIR Y SWYDD HON FEL AIL GYFLE HYD AT 30 MEDI 2024.

OS OES GENNYCH DDIDDORDEB MEWN CAIS AM SWYDD EILYDD, RHAID I CHI GAEL CANIATÂD GAN EICH RHEOLWR LLINELL PRESENNOL CYN YMGEISIO.

Mae hwn yn gyfle i fod yn rhan o’n tîm yng nghyfarwyddiaeth Ansawdd, Diogelwch a Gwella newydd Gweithrediaeth GIG Cymru ar adeg brysur a chyffrous wrth i ni gynyddu ein cefnogaeth i helpu GIG Cymru i wella gofal i bobl Cymru.

Mae Gwelliant Cymru yn rhan greiddiol o'r gyfarwyddiaeth hon. Gyda’n gilydd, rydym yn gweithio ochr yn ochr â sefydliadau i rymuso, gwreiddio a dyrchafu gwelliannau i ansawdd a diogelwch, gan ddarparu rhaglenni gwella Cymru gyfan er mwyn cyflawni blaenoriaethau ansawdd a diogelwch.

Mae hwn yn gyfle cyffrous i fod yn rhan o dîm sy’n darparu’r Rhaglen Cefnogi Diogelwch mewn Gofal Mamolaeth a Newyddenedigol (MatNeoSSP Cymru) ar gyfer GIG Cymru sydd newydd ei hariannu. Nod y rhaglen yw gwella diogelwch, profiad a chanlyniadau gofal i famau a gofal newyddenedigol; a darparu cymorth i alluogi timau i roi profiad gofal iechyd o ansawdd uchel i bob unigolyn beichiog, babi a theulu ar draws lleoliadau gofal mamolaeth a newyddenedigol yng Nghymru.

D.S. Mae deiliaid swyddi Hyrwyddwyr Diogelwch Lleol wedi'u lleoli o fewn eu Byrddau Iechyd presennol, gyda'r disgwyliad o leoliad sylfaen yn aros yn unol â'u contract GIG Cymru presennol. 

Prif ddyletswyddau'r swydd

I gefnogi MatNeoSSP rydym am benodi Hyrwyddwr Diogelwch Lleol Newenedigol. Cynigir y swydd secondiad hon ar sail ran-amser fel a ganlyn:

• Hyrwyddwr Diogelwch Lleol Newyddenedigol - 0.4

Gan weithio gydag Arweinwyr Rhaglen Genedlaethol MatNeoSSP a chyda chymorth yr Arweinydd Clinigol, byddwch yn mynd ati’n rhagweithiol i ddarparu a hyfforddi cymorth gwella cysylltiedig â gwasanaethau mamolaeth a newyddenedigol i’r gwasanaeth o fewn eich Ymddiriedolaeth/Bwrdd Iechyd penodedig. Bydd gofyn i chi weithio mewn partneriaeth â rheolwyr lleol a chydweithwyr tîm i helpu i ddatrys problemau a'r posibilrwydd o wella/newid ac ymgysylltu â rhanddeiliaid lleol yn y broses o newid. 

Yr ymgeisydd delfrydol ar gyfer y rôl bwysig hon fydd rhywun sydd â diddordeb mewn diogelwch cleifion a gwella gwasanaethau ac sydd wedi bod yn ymwneud â'r meysydd hyn.  Bydd sgiliau penodol fel dylanwadu, addysgu, a gweithio gyda data yn hanfodol.  Bydd gofyn i ymgeiswyr ddangos eu dysgu ac enghreifftiau ymarferol o waith ym maes gwella a diogelwch cleifion.  Dylai ymgeiswyr ddangos uchelgais ar gyfer dysgu parhaus.

Anogir ymgeiswyr sydd â diddordeb i gysylltu â'r rheolwr sy’n recriwtio ar gyfer y rôl i drafod y rôl ymhellach os oes ganddynt unrhyw ymholiadau.

Gweithio i'n sefydliad

Mae Gweithrediaeth GIG Cymru yn darparu arweiniad canolog, gan weithio mewn partneriaeth ar gyfer ac ar ran Llywodraeth Cymru, yn y GIG yng Nghymru a gyda'r GIG. Mae'r Weithrediaeth yn cael ei chynnal gan Iechyd Cyhoeddus Cymru. 

Rydym yn swyddogaeth gefnogaeth genedlaethol sy'n cyflawni gweledigaeth 'Cymru Iachach' o ddull system gyfan o ddarparu iechyd a gofal cymdeithasol rhagorol ledled Cymru.

Rôl y Weithrediaeth wrth gefnogi'r weledigaeth hon yw darparu arweinyddiaeth genedlaethol gref a chyfeiriad strategol sy'n galluogi, cefnogi a, phan fo angen, ymyrryd i sicrhau bod blaenoriaethau a safonau cenedlaethol yn cael eu cyflawni, er mwyn gwella ansawdd a diogelwch gofal. Bydd y Weithrediaeth yn ysgogi gwelliannau i sicrhau canlyniadau gofal iechyd gwell a thecach i bobl Cymru.

Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)