HealthJobsUK

Trosolwg o'r swydd

Mae cyfle gwych wedi codi i Ysgrifennydd Personol brwdfrydig a phrofiadol ymuno â Thîm Microbioleg Gogledd Cymru.

Mae Microbioleg Gogledd Cymru yn darparu ystod eang o wasanaethau diagnostig i ysbytai, clinigau a meddygon teulu ledled Gogledd Cymru. Mae gan y gwasanaeth labordy canolog (hyb) mewn adeilad patholeg newydd yn Ysbyty Glan Clwyd  (Bodelwyddan) ac mae ganddo labordai lloeren gwasanaethau acíwt yn Ysbyty Gwynedd (Bangor) ac Ysbyty Maelor (Wrecsam). Bydd y swydd hon wedi’i lleoli yn bennaf yn y labordy yn Ysbyty Glan Clwyd, ond gallai fod gofyn i ddeiliad y swydd gefnogi cydweithwyr yn labordai Bangor a Wrecsam pan fo angen. 

Mae Gogledd Cymru yn elwa o fod o fewn cyrraedd yr arfordir a’r mynyddoedd, ac yn agos at ddinasoedd Lerpwl a Chaer a phopeth sydd gan fywyd y ddinas i’w gynnig – felly mae’n apelio at gerddwyr, dringwyr, seiclwyr, morwyr, siopwyr a’r rhai sy’n hoff o gymdeithasu gyda’r nos; mae yna rywbeth at ddant pawb. Mae gan Ogledd Cymru hefyd dai fforddiadwy a chysylltiadau ffyrdd a thrafnidiaeth gyhoeddus da ar draws Cymru i Loegr ac ymhellach i ffwrdd – ac mae’n daith fer mewn cwch i ffwrdd o Iwerddon.  

Rydym yn annog ac yn croesawu ymweliadau anffurfiol, dewch i weld y labordy a chwrdd â’r tîm.

Mae’r gallu i siarad Cymraeg yn ddymunol ar gyfer y swydd hon ond nid yw’n hanfodol; mae croeso i siaradwyr Cymraeg a/neu Saesneg ymgeisio fel ei gilydd.

Prif ddyletswyddau'r swydd

Bydd yr ymgeisydd llwyddiannus yn gweithio fel rhan o’r Tîm Microbioleg wedi’i leoli yn ein Labordy ym Rhyl,  Ysbyty Glan Clwyd yn darparu cymorth gweinyddol o fewn y tîm.  Yn bennaf bydd y rôl hon yn cefnogi'r Arweinydd Hyfforddi a'r Arweinydd Ansawdd.  Bydd y rol hefyd cefnogi to tim clinigol.

Rhaid i ymgeiswyr allu dangos sylw brwd i fanylion, sgiliau gweinyddu, trefnu a chyfathrebu rhagorol a’r gallu i weithio’n annibynnol.

Gweithio i'n sefydliad

Ni yw Iechyd Cyhoeddus Cymru - asiantaeth iechyd cyhoeddus genedlaethol Cymru. Ein diben yw ‘gweithio gyda'n gilydd ar gyfer Cymru iachach'. Rydym yn bodoli i helpu pawb yng Nghymru i fyw bywydau hirach, iachach. Gyda'n partneriaid, ein nod yw cynyddu disgwyliad oes iach, gwella iechyd a llesiant, a lleihau anghydraddoldebau i bawb yng Nghymru, nawr ac ar gyfer cenedlaethau'r dyfodol. 

Gyda'i gilydd, mae ein timau'n gweithio i atal clefyd, diogelu iechyd, a darparu arweinyddiaeth, gwasanaethau arbenigol ac arbenigedd iechyd cyhoeddus. Ni yw'r brif ffynhonnell o wybodaeth, ymchwil ac arloesedd iechyd cyhoeddus yng Nghymru. Nid yw iechyd cyhoeddus erioed wedi bod mor bwysig wrth i ni ddod drwy bandemig y Coronafeirws, wynebu heriau'r argyfwng costau byw a mynd i'r afael ac atal effeithiau niweidiol newid hinsawdd.

Caiff ein sefydliad ei arwain gan ein gwerthoedd 'Cydweithio, gydag ymddiriedaeth a pharch, i wneud gwahaniaeth'. Rydym wedi ymrwymo i greu gweithle cynhwysol sy'n rhoi gwerth ar gydraddoldeb, amrywiaeth a chynhwysiant.  Rydym yn croesawu ceisiadau sy'n cynrychioli amrywiaeth gyfoethog y cymunedau rydym yn eu gwasanaethu a chan y rhai sy'n dymuno gweithio'n rhan amser neu rannu swydd.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)